बागलुङको पश्चिम व्यापारिक केन्द्र बुर्तिबाङ बजारमा शुक्रबार आइटिएफ तेक्वान्दो खेलाडीहरुको ग्रेडिङ सम्पन्न भएको छ । ढोरपाटन नगरपालिकाका नगर प्रमुख देवकुमार नेपालीको विशेष आतिथ्यतामा संचालित सो कार्यक्रममा ५७ जना खेलाडीहरुको ग्रेडिङ लिइएको थियो ।
नेपाल आइटिएफका प्रशिक्षक शर्मिला महत, बसन्ती बुढा तथा प्रतिक घर्तिले सहजीकरण गर्नु भएको थियो । सो अवसरमा पहेलो देखि निलो पेटीसम्मका खेलाडीहरुको ग्रेडिङ लिइएको ढोरपाटन तेक्वान्दो एकेडेमीका प्रशिक्षक फारम महतले जानकारी दिनु भयो ।
