दोस्रो गलकोट घुम्टे महोत्सवको आम्दानी खर्च सार्वजनिक

दोस्रो गलकोट घुम्टे महोत्सवको आम्दानी खर्च सार्वजनिक
गलकोट घुम्टे पर्यटन विकास केन्द्र गल्कोट बागलुङद्वारा २०७६ सालमा सम्पन्न दोस्रो गलकोट घुम्टे महोत्सवको आम्दानी खर्च सार्वजनिक गरिएको छ ।
गलकोट नगरपालिका वडा नम्वर ५ हरिचौरमा पत्रकार सम्मेलनको आयोजना गरी महोत्सवको आम्दानी खर्च सार्वजनिक गरीएको थियो ।
महोत्सवमा ६८ लाख ८४ हजार ९ सय ९६ रुपैया आम्दानी हुदा ७१ लाख २५ हजार ७ सय २३ रुपैया खर्च भएको महोत्सवका आर्थिक समिति संयोजक मञ्जु शर्मा चालिसेले जानकारी दिनुभयो ।
शर्माका अनुसार नगद हिसाबबाट २ लाख ४० हजार ७ सय २७ भुक्तानी दिन बाँकी रहेको तथा विभिन्न सहयोग दाताहरुबाट १३ लाख ११ हजार उठ्न बाँकी रहेको जानकारी गराईएको थियो ।
समग्रमा महोत्सव १० लाख ७० हजार २ सय ७३ मुनाफामा रहेपनि उठ्न बाँकी रकम नउठ्दा २ लाख ४० हजार ७ सय २७ रुपैया ऋणमा रहेको समिति संयोजक शर्माले जानकारी दिनुभयो ।
त्यसवाहेक विभिन्न संघसंस्था, व्यक्ति, सहयोगदातावाट १३ लाख ११ हजार उठ्न वाकी रहेको उहाँको भनाई थियो । सञ्चार, छपाई, यातायात साउण्ड सिष्टमको गरी २ लाख ४० हजार ७ सय २७ भुक्तानि दिन वाँकी रहेको समितिले जनाएको छ ।