प्रेस चौतारी नेपालको २४ औं स्थापना दिवस बिविध कार्यक्रमको आयोजना गरी मनाइएको छ । यसै क्रममा चौतारीको बागलुङ शाखाले शनिवार शहिद स्मृति पार्कमा फोहोर संकलनका लागी ५ थान डष्टविन राख्ने व्यवस्था गरेको छ । सांकेतिक रुपमा सरोकारवालालाई जिम्मेबार बनाउने, सामाजिक उत्तरदायीत्व पुरा गर्न र आफ्नो स्थापना दिवसलाई रचनात्मक बनाउनका लागि ‘डस्बिन’ वितरण गरिएको अध्यक्ष नबिन शिषिरको भनाई रहेको छ ।
सो अवसरमा प्रेस चौतारी नेपालका सल्लाहकार राम बहादुर जि.शी , प्रेस चौतारी नेपालका केन्द्रीय सदस्य तारानाथ आचार्य, प्रेस सेन्टर नेपाल गण्डकी प्रदेशका उपाध्यक्ष राम थापा, पत्रकार महासंघ बागलुङका सचिव विजय राना, प्रेस युनियन बागलुङका सचिव नारायण रिजाल, नेपाल आदीवासी जनजाती पत्रकार महासंघ बागलुङका सचिव डम्मर बुढामगरले शुभकामना ब्यक्त गर्नु भएको थियो ।
कार्यक्रम शाखा अध्यक्ष नविन शिशिर विकको अध्यक्षता, कोषाध्यक्ष खेमराज गौतमको स्वागत र उपाध्यक्ष सृजना पन्तको सञ्चालनमा सो कार्यक्रम सम्पन्न भएको थियो ।
