अखिल नेपाल महिला संघ क्रान्तिकारीको निसि खोलामा पालिका स्तरिय भेला सम्पन्न भएको छ । बुधबार सम्पन्न भेलाले निमा सापकोटाको अध्यक्षतामा नयां कार्य समिति चयन गरेको छ । सो समितिमा उपाध्यक्ष अन्जु रसाइली, सचिव जुनमाया गिरी कोषाध्यक्ष गिता सापकोटा तथा सह सचिवमा दिल कुमारी कुवंर रहनु भएको छ ।
सो भेलाले ३५ सदस्यीय समिति गठन गरेको माओबादी केन्द्र निसिकी उपाध्यक्ष कमला पुनले जानकारी दिनु भयो । अखिल नेपाल महिला संघ क्रान्तिकारी माओबादी निकट मानिन्छ । सो भेलामा पार्टीका प्रदेश समिति सदस्य प्रेम बहादुर घर्ति, छमि घर्ति मगर, पालिका समिति अध्यक्ष कुविर बि.क, उपाध्यक्ष कमला पुन मगर तथा सदस्य खिम कुमारी घर्तिले शुभ कामना व्यक्त गर्नु भएको थियो । कार्यक्रम निवर्तमान अध्यक्ष खिम कुमारी घर्ति मगरको अध्यक्षतामा सम्पन्न भएको थियो ।
