बा.न.पा ६ मा अबस्थित सदाशिव आधारभूत विद्यालयको ३० औं बार्षिकोत्सवको विशेष अवसरमा शुक्रबार विविध शैक्षिक प्रतियोगिताहरु सम्पन्न भएका छन ।
विद्यालय व्यवस्थापन समितिका अध्यक्ष कृष्ण सापकोटाले दिनु भएको जानकारी अनुसार अन्तर प्रा.बि हाजिरी जवाफ प्रतियोगितामा आयोजक सदाशिव ‘क’ ले प्रथम स्थान हासिल गरेको छ । यस्तै श्रीकृष्ण आधारभुत विद्यालयले दोस्रो तथा शदाशिव ‘ख’ ले तेस्रो स्थान प्राप्त गरेका छन ।
अन्तर प्रा.बि छात्राको बेलुन फुटाई प्रतियोगितामा सदाशिवका कक्षा ३ की सुरक्षा आचार्य प्रथम, मालिका आधारभूतकी दिपा रेग्मी दोस्रो तथा अमर प्राविकी आरती थापाले तेस्रो स्थान प्राप्त गरिन । सोही प्रतियोगिताको पुरुष तर्फ लहरेपिपलका भिम नेपाली प्रथम, सदाशिवका मनोज सापकोटा दोस्रो तथा मालिका आधारभुतका समिर किसानले तेस्रो स्थान प्राप्त गरेका छन ।
यसै गरी हिसाब दौडमा सदाशिवकी अनुष्का बोहोराले प्रथम, लहरेपिपलका शुसान्त बोहोरा दोस्रो तथा सदाशिवकी सिम्म्रन सापकोटाले तेसो स्थान प्राप्त गरिन । सो प्रतियोगितामा ७ विद्यालयहरुले भाग लिएका थिए । अभिभाबकहरुको घैटो फोर प्रतियोगिताको बिजेता गंगा शर्मा आचार्य हुनु भएको छ । सो विद्यालयको मूल समारोह शनिवार सम्पन्न हुने विद्यालय व्यवस्थापन समितिका अध्यक्ष सापकोटाले जानकारी दिनु भयो ।
