नेकपा माओबादी केन्द्रले बागलुङमा रहेका १० पालिकाहरुमा चुनावी कमाण्डरहरु चयन गरेको छ । मंगलबार बागलुङ बजारमा गण्डकी प्रदेस कमाण्ड संयोजक देवेन्द्र पराजुलीको अध्यक्षतामा बागलुङ, म्याग्दी र मुस्ताङका प्रदेस समिति सदस्यहरु सहभागी कमाण्ड बैठकले उक्त निर्णय गरेको प्रदेस समिति उपाध्यक्ष ज्ञामनाथ गैरे अनिलले जानकारी दिनु भयो । सो बैठकमा पार्टीका नेता एवं पूर्व मन्त्री दिनानाथ शर्माको बिशेष उपस्थितिमा सम्पन्न भएको थियो ।
सो बैठकले बागलुङ नगरपालिकामा यज्ञबल्लभ शर्मा विद्रोहलाई चनावी कमाण्डर तोकेको छ । ढोरपाटनमा चन्द्रलाल अर्याल, गल्कोटमा फमलाल निउरे र जैमिनिमा लाल बहादुर परियारलाई चुनावी कमाण्डर तोकेको छ । यसै गरी काठेखोला गाउंपालिकामा केशरी घर्ति, बरेङमा चिनीमाया काला, ताराखोलामा प्रकास घर्ति, बढिगाडमा राजिब घिमिरे, निसीमा प्रेम घर्ति र तमानमा नरेन्द्र कुमार छन्ट्याल चुनावी कमाण्डर तोकिनु भएको छ ।
