केपि कुमार जलन/हिन्दु नारीहरुको महान पर्व हरितालिका तिज नजिकिदै गर्दा तीजका भाकाहरु पनि बजारमा दिनानुदिन आइरहेका छन् । कलाकारहरु यतिबेला तिजका गित गाउन र गितको म्युजिक भिडियो बनाउन व्यस्त छन । हरेक वर्षको तिजमा जस्तै यसपाली पनि कलाकारहरुले आफ्नै आफ्नै शैलीमा तिज गितहरु बजारमा पस्कि रहेका छन । यसै क्रममा चर्चित गायिका अमृता नेपालीको तिज गितको छाँयाङकन सुन्दर नगरी पोखराको लेकसाईडमा रहेको बसुन्धरा पार्कमा छायाङ्कन गरिएको छ, गल्कोट समाज पोखराको विशेष ब्यबस्थापनमा छाँयाङकन गरिएको म्युजिक भिडियोको निर्देशन स्मृति तिमिल्सिना गुरूआमाले गर्नु भएको छ ।
सर्जक प्रलाद सुबेदीको शब्द ईश्वर सिङको संगितमा रहेको गितमा गायिका अमृता नेपाली र ईश्वर सिङको आवज रहेको छ । भिडियोमा चर्चित मोडल बिमल अधिकारी , र नारायणि खत्रिको दमदार नृत्य देख्न सकिने छ । म्युजिक भिडियो केही दिन पछि अमृता नेपाली अफिसियल युटुब च्यानलबाट सार्वजानिक हुने गायिका नेपालीले जानकारी दिनु भयो ।
