बागलुङ नगरपालिकाले देशका बिभिन्न भागमा फैलिरहेको आंखा पाक्ने रोगको सङ्क्रमण नगरपालिका भित्र पनि बढिरहेकाले यसको सङ्क्रमण चक्रलाई रोक्ने उद्धेश्यले नगर भित्रका सम्पूर्ण सामुदायिक तथा संस्थागत विद्यालयहरुलाई ३ दिन बिदा दिने निर्णय गरेको छ । बिद्यालयहरु सङ्क्रमणको उच्च जोखिममा रहेको देखिएकाले र यसको सङ्क्रमणबाट बालबालिका, वृद्धाबृद्धा र रोगप्रतिरोधात्मक क्षमता कम भएकाहरु छिटो प्रभावित हुने भएकाले बिद्यालयहरु केही दिनलाई बन्द गर्नु परेको नगरपालिकाले जनाएको छ ।
आंखामा संङ्क्रमण देखिएमा भिडभाड हुने स्थानहरु, बिद्यालय, पार्क लगायतका स्थानमा सतर्कता अपनाउन नगरपालिकाले आग्रह गरेको छ । बागलुङ नगरपालिका अन्तर्गत संञ्चालित सम्पूर्ण विद्यालयहरुमा साउन २६ देखि २८ गतेसम्म पठनपाठन बन्द गर्ने र सो समयमा विद्यालयसंग सम्बन्धित कुनै पनि कार्यक्रमहरु विद्यार्थि भेला गराई संञ्चालन नगर्नु हुन र विद्यालयमा डेंगु रोग र आंखा सम्बन्धी रोगबारे बिद्यार्थिहरुलाई सचेत गर्न गराउन समेत नगरपालिकाले सुचित गरेको छ ।
