मानव सेवा आश्रम र आनी छोइङ डोल्मा फाउण्डेसनको संयुक्त आयोजनामा असोज २७ गतेदेखि सुरू भएको मेची महाकाली राष्ट्रिय उद्धार यात्रा २०८० मंगलबार दिउसो बागलुङ आइपुगेको हो ।
मानव सेवा आश्रमले यसपालिको चाड पर्वमा कोही नरहून् सडकमा भन्ने नारा सहित ‘मेची महाकाली उद्धार यात्रा’शुरु गरेको हो । कसैले पनि सहयोगापेक्षी भएर चाडबाडका बेला सडकमा बस्नु नपरोस् भन्ने अभियानको उद्देश्य रहेको छ । आश्रमका केन्द्रीय अध्यक्ष रामजी अधिकारीको नेतृत्वमा ४० सदस्यीय टिम यो यात्रामा सक्रिय रहेको छ । आश्रमको टोलीलाई बागलुङमा स्वागत गरिएको छ ।
